कपिलवस्तुको शिवराज नपा–१, गलीकटिन नजिकै मंगलबार विहान सवारी दुर्घटना

सीताराम चौधरी
कपिलवस्त नेस / पूर्वपश्चिम राजमार्ग अन्तर्गत कपिलवस्तुको शिवराज नपा–१, गलीकटिन नजिकै मंगलबार विहान सवारी दुर्घटना हुँदा बाबुछोराको घटनास्थलमै मृत्यु भएको छ ।
त्यस्तै घटनामा परी चालक घाइते भएका छन् ।
पश्चिमबाट पूर्वतर्फ गइरहेको भे १ च १०८९ नम्बरको बोलेरो जीप अनियन्त्रित भई राजमार्ग छेउ रुखमा ठोक्किंदा जीपमा सवार बाबुछो

राको मृत्यु भएको हो । मृत्यु हुनेमा पथरिया ६, कैलाली घर भएका ४५ वर्षीय उज्ज्वल बुढा र उनका ११ वर्षीय छोरा निमेश बुढा रहेका छन् । घटनामा परी छायाक्षेत्र ३, सल्यान घर बताउने २८ वर्षीय राजेश खडका घाइते भएका छन् । हल्का ओरालो सडकमा चालक निदाएपछि गाडी अनियन्त्रित भई दुर्घटना भएको हुनसक्ने प्रहरीको अनुमान छ ।
मृतक बाबुछोराको शव पोष्टमार्टमका लागि जिल्ला अस्पताल तौलिहवा पठाइएको वडा प्रहरी कार्यालय चन्द्रौटाका प्रहरी नायव निरीक्षक महाशर्मा पाण्डेले जानकारी दिनुभयो । घाइते खडकाको संजीवनी सामुदायिक अस्पताल चन्द्रौटामा उपचार भइरहेको प्रहरीले बताएको छ ।